Göt í eyru

• • Það eru engar tímapantanir.
  • Ykkur er velkomið að koma alla daga á opnunartíma verslana okkar í Kringlunni og Smáralind. 
  • Einstaklingar undir 18 ára verða að hafa leyfi frá forráðamanni. Annað hvort þarf forráðamaður að vera með, ef ekki þurfa forráðamenn að senda okkur leyfisbréf í gegnum tölvupóst. 
  • Tölvupóstur fyrir Kringluna (mebak@meba.is) / Tölvupóstur fyrir Smáralind (mr@meba.is).
  • Við gerum einungis göt í sleppla, ekki í brjósk eða þess háttar.
  • Aldurstakmark er 2 ára. 

Frekari upplýsingar:

• • Skotlokkar kosta 5.500 krónur (aðeins selt í pörum), ekkert er tekið fyrir að gera götin. 
    
  • Ekki er hægt að koma með skotlokka til að láta skjóta í sig, til þess þarf skotlokka sem passa í skotlokkabyssur okkar. 
  • Skotlokkarnir okkar eru úr læknastáli og eru því nikkelfríir.
  • Það er ekki leyfilegt að skjóta lokkum úr umbúðum sem hafa verið opnaðar áður þar sem þeir teljast ekki lengur dauðhreinsaðir. Opna þarf pakkninguna á staðnum og skjóta strax. 
  • Ef hætt er við að fá göt eftir að búið er að opna umbúðirnar þarf samt að borga fyrir lokkana. 
  • Aðeins er skotið báðum megin í einu í börn 8 ára og yngri.  
  • Ekki er heimilt að taka myndband en við hvetjum til að taka fyrir og eftir mynd.

Reglur um umhirðu:

• • Lokkana skal hafa í ca. 8 vikur en auðvitað má hafa þá lengur 
  • Mikilvægt er að hafa einhverja lokka í götunum fyrsta árið til að koma í veg fyrir að gatið lokist.
  • Sótthreinsa skal götin tvisvar á dag (gott að miða við kvölds og morgna) í mánuð. 
  • Alls ekki taka lokka úr á meðan hreinsað er.
  • Við mælum með Klórhexidin eða Própanól.
  • Dýfið eyrnapinnum í sprittið eða vætið bómul og berið vel á, bæði framan og aftan með lokkana í. Gætið þess að sprittið komist vel að götunum sjálfum. 
  • Alls ekki snúa lokkunum og ekkert snerta þá neitt að óþörfu. 
  • Við mælum ekki með sundi næstu 2-3 daga.